Drunken Muffin

🤔

❤🥀 කවුරුද හැඬුවේ ... කාටද රිදුණේ 🎶 ...
~~~~~~~~~~~~~~~~~~~~~~~~~~~~~

🌸 සවන හරහා බුද්ධියට ආමන්ත්‍රණය කරන්නට දරන්නා වූ මාහැඟි වෙරක් වේද , මේ ගීතයේ සරල වදන් තුළට කින්දවා ඇති සියුම් හැඟීමකින් පවා ඒ බැව් විශද වනු ඇත්තේ ය.

🌸 සුණු විසුණු වූ ප්‍රාර්තනා ගොන්නක් මධ්‍යයේ ඇයගේ නෙතට හසුවූ , මොළයෙන් ආඥා දුන් , ගතින් ක්‍රියාකාරී වූ එක ම විසඳුම සියදිවි නසාගැනීමයි.මෙවැනි හැඟීමක් ඇති වූ සහ ඇතිවන එක ම පුද්ගලයා ඇය නොවේ.වචනයෙන් විස්තර කළ නොහැකි ඒ අමිහිරි , ප්‍රබල පරාජී හැඟීම ඔබට ජීවිතයේ එකම එක් දිනෙක හෝ නොදැනුණා නම් ඔබ ජීවිතය විඳින්නට හුරු වූ දිරි ඇත්තකු විය හැකිය.

🌸 තමාව නොසලකා හැර , තමුන්ගෙන් පරිබාහිර වූ ලෝකයෙන් සතුට සොයන්නට යාමෙන් ස්ථිරසාර වූ තෘප්තියක් ලද්දෙකු සිටිය නොහැක්කේ යැයි හැඟේ.ඒ මන්ද සතුට උපදින්නේ ම අප තුළින් මැ මිස අන්‍යයකින් නොවන බැවිනි.නොදැන නොව , දැන දැන ම අප ඒ මුළාවට හසුවන්නේ ආචිණ්ණගත මිනිස් හුරුවක් නිසා හෝ පෘථග්ජන මිනිසුන් වන අප තුළ සහජයෙන් පවතින්නා වූ බොළඳ බව ඉස්මතු වන නිසා දැයි නිනව් නැත.

🌸 තම පණට සරි හිතවතා යැයි ලොවට හඬගා කියන තමන්ගේ ම සබැඳියන්ට පවා නොපැවසූ , නොහැඟ වු යම් කරුණකින් සිත පෙළෙමින් පීඩාවට ලක් වන , විඳවමින් කල්මරණ අහිංසක ජීවිත සමුදායක් මෙලොව නොමැත්තා නොවේ.දවාලේ සිනා සී රෑ අඳුරේ හඬාවැටෙන ඇතැමුන්ගේ සිතේ සැඟවූ අහු මුලු කෙබඳු දැයි , පිටත හිඳිනා අප , කෙසේ නම් කියවන්න ද ?

🌸 කඳුළින් පොඟවා තෙත බරිත කළ හැකි නම් , ඇතැම් හදවත් මෙවැනි උච්ච පියවරකට යාමට තරම් දෘඪ ස්වභාවයක් අත් කර නොගන්නට අවකාශ ඇත.

🌸 මියෙන තුරු පිහිට නොවූ ධර්මයක් උපුටමින් , නිස්කාරණේ දොස් නඟමින් විචාර සංග්‍රහ කරන්නට දහසක් දෙනා සිටිය ද , ඇයව හෙළා දැක පොරක් වීමට ඒ කිසිවෙකුට සාධාරණ අයිතියක් නොමැත.වග විභාගයකින් තොරව විනිශ්චයන්ට එළඹ , අඳුරේ අතපත ගා එළඹුණු නිගමන නිසා පසු කාලීනව අප හෝ අප නිසා අනිකකු විඳවීමට ඇති සම්භාවිතාව ඉතා ප්‍රබල බව සිහි කටයුතුය.

🌸 අප චිත්ත සත්තානගතව පවතින්නා වූ විප්පයෝගය , ගැඹුරු ප්‍රේමය , දැඩි ඊර්ෂ්‍යාව ප්‍රතිභිම්බනය ආදීන්ගේ යථා ස්වභාවය , ඔවුනොවුන්ගේ මුවින් පිටවන වදනකින් , බාහිර රංගනයෙන් මිණිය හැකි වේ යැයි සිතීම උගහට ය.මිනුම් දණ්ඩකට එවැන්නක් සරි නොවේ.

🌸 මල් සුවඳක් වැනි මිහිරි ජීවිතයේ , සර්ව සම්පූර්ණ සතුටක් කෙසේ නම් සොයන්න ද ? දුක දැනෙන විට , හද රිදෙන විට හැකි නම් ඒ කඳුළ ම තම සබැඳියෙකු කරගන්නට , කඳුළට ප්‍රේම කරන්නට ..... අල්ප වූ සහනයක් හෝ දැනෙනු නිසැකය.

🌸 අසීමාන්තික අපේක්ෂා මුදුන් පමුණුවා ගැනීමෙහි ලා අපොහොසත් ව සැණින් ඉච්ඡාභංගත්වයට පත්වනසුලු හදවතක් හිමි සංවේදී මනුෂ්‍යයාට " හංසයා දියෙන් කිරි වෙන් කරගන්නා සේ " දුක් ගඟුලකින් වුව සතුටු මාත්‍රය
ක් අහුලා රස විඳින්නට දිරියක් ලැබෙනුයේ නම් කෙතරම් අගී ද ?

" දුක නැති ලොවක සතුටක් කොයින් ද ?
විරහවක් නැති ලොවක ප්‍රේමයක් කොයින් ද ?
නොලැබීම් නොතිබුණා නම් ' ලැබීම ' ට අර්ථයක් කොයින් ද ? "

🌸 ප්‍රතිපක්ෂයන්ගේ අන්‍යෝන්‍ය සම්බන්ධය නිසා ම ලොව තුළ සත්භාවයක් හෙවත් පැවැත්මක් සහිත සංකල්පකෙතරම් නම් බිහි වී ඇත් ද ? පසු පස හබා ගොස් ලබාගන්නා ජයග්‍රහණයට මෙන් ම නිරායාසයෙන් අපව සොයාගෙන අප වෙනුවෙන් ම සපැමිණි දේවල වටිනාකම හැඳින , තෘප්තියට පත් වී , ගෙවෙන මොහොත විඳින්නට හැකි දිනෙක ..... සැබවින් ම ඔබේ මගේ අප සැමගේ මනස සතුටින් සතුට පෙරා ගැනීමට හුරුවනු ඇත.

🎶 මලක් වගේ රොන් සුවඳ වගේ
ජීවිතයේ සුව අපමණ වේ
දොළක් වගේ දිය දෝත වගේ
ජීවිතයේ අම සිසිල දැනේ 🎶

🎶 වරක් නෙතඟ කඳුළැලි පිරුණා දෝ
සිතට දරාගනු බැරි දුක් වීදෝ
දිවිය මොනතරම් සුන්දරදෝ
දුකම කොයිතරම් සතුටක්දෝ 🎶

[ මුල් ගායනය :-
සේනානායක වේරලියද්ද මහතා ]

" ඔබ කඳුළට ප්‍රේම කරන්නට ඇරඹූ දා සිට ඒ අමිහිරි කඳුළ ම , ඔබට සබැඳිළෙකු වී ඔබේ මුවඟට මෙන් ම හදවතේ ගැඹුරු ම අංශුවට සිනාවක් ලබා දෙනු නො අනුමානය "

- බෝලේ 🏀 -

2021.01.14 [ බ්‍ර ]

🌵 🌹

Contact 0715130624
Free delivery kaduwela,wattala,kiribathgoda,malabe area