CD Wellness

今日比較客滿Booking，所以要趁下午的時候衝出去買幫客人買兩張SOQI遠紅外線熱療護毯, 星期一取！有單有日子不會是假. SOQI遠紅外線熱療護毯, 10個買咗嘅客人基本上有12個人讚, 多出的2個就係佢哋借俾親朋戚友試然後回來找我買🤭

當然亦都有人話淘B /PDD都有熱毯, 但我可以確實告訴你SOQI的理療效果是完全拋離9條街，有治療功效之外而且物料亦不能相比，這麼貼身的用品安全最重要！

SOQI 遠紅外線熱毯功能✊🏻✊🏻
✅頸痛/背痛/膊頭痛/腰痛/坐骨神經痛/腳痛/經痛
✅保暖/消炎/止痛
✅改善睡眠質素
✅改善血液循環通氣血
✅強腰護腎/疏通經絡

歡迎預約試用🙏🏻

#消炎 #止痛 #手腳關節痛

今日好早客, 朝早8點幾已回到公司，繼續努力～ 今晚收夜💪🏻

今日假期整左特飲比今日來的客人飲❤️
黑米薏仁赤小豆黑豆漿(少甜版）,很開心客人喜歡✌🏻

#養生特飲

🤭做乜咁中意我啫？
琴日返公司,業主的新抱一見到又問我「你好忙咩？」 我話係呀，可能我公佈左我出年結束實體店,突然好多客約我做痛症,臨別秋波😝 佢話：你唔好唔做啦，你唔好搬走啦, 我中意你係度呀，我隔離（佢辦公室）有間細D房會搬走,你搬去我隔離,我叫我老爺平租比你呀👻? 我話咁都得？ 多謝你一番美意先！

今晚夜客，收工返到屋企應該要9點半,太夜不能吃東西了，所以一早整定糙米花生准山杏仁茯苓帶返公司飲,杰杰地飽肚有益. 香港的秋天雖然很熱, 但按歴法仍是要吃一些潤肺健脾的東西，白色飲適合🤍🤍

明天假期中午會返一返公司,歡迎約我🙏🏻

😌新自然療法➡️通耳化痰
今日客人本想來定期養生一下,點知前幾日開始氣管敏感, 搞到耳仔好似閉了氣塞住（就好似搭飛機喺高空的ear block), 佢的鼻分泌物又流落喉嚨, 氣管又有痰,睇咗醫生食咗消炎藥抗生素都唔係好搞得掂, 見佢個樣都謝謝哋，聲沙加氣管敏感咳, 條氣管hur hur聲,我話等我幫你打通任督二脈啦😎.

先幫佢開背，再通風池風府大椎穴, 清熱瀉火通經絡,升陽益氣.然後慢慢疏導耳背, 我一路通佢一路咳痰擤鼻涕, 期間不停比佢飲暖水化痰. 佢本來塞哂的右耳, 慢慢feel到有道氣流由右耳去右鼻樑，佢覺得好神奇😱到完成療程之後，直情無再咳亦無乜痰, 逐漸通返曬！

客人話我真係可以幫客人做埋呢個自然療法通耳化痰😝 睇住佢2個鐘頭前咳到甩肺聲沙，做完之後精神爽利無咳無痰，我都覺得自己叻叻🐷，所以紀錄一下🙋🏻‍♀️

差唔多做左20年, 終於決定現在的實體店做到出年1月中就結束… 我的痛症客人聽到我講之後,不約而同問「咁以後我點算？」 （唔知以為我搞大左人地個肚唔理佢🤣🤣）放心，真係需要我的客人,我巳有安排🙌🏻 我仍有地方可以freelance 做. 我仲同客講，有乜嘢手尾好快啲1月中前搵我搞埋佢🙏🏻

未來會點？我諗會好似十幾年前咁，只做小小網店, 繼續賣我認可、好品質有效果的護膚品、養生食品和用品,會更加精益求精,尤其係護膚品. 現在的護膚品市場已不適合我呢D老嘢做, 好多產品係吹得好勁但又好多客人睇完宣傳入. 我唔想賣D我覺得唔好或無乜效的產品因我是成份L✌🏻

另外我應該會做一個happy freelancer , 有新構思也會做D開心job ~ 其實我都唔知可以做啲乜，但唔想框實自己. 日後如果有啲乜嘢可以炒散,歡迎大家介紹我☺️

有客人問我1月中前仲接唔接新症？ 當然接啦，不過建議單次收費～ 但竟然有客堅持再開course, 我話用得曬先好開呀😝(又倒自己米🫪)

好多謝咁多年支持我的客人朋友, 前兩日都仲有一個客人同我講佢係由買泉發蜂蜜醋識我（16年以上！）

現在乜都唔諗, 每日只想做好每位客💪🏻11月中會放半個月假, 大家千其唔好個個臨尾先約我, 會做死我㗎👻